Almaty oblysynda Eńbekshiqazaq aýdandyq aýrýhanasynyń áinegin syndyryp, politsiiamen tóbelesken er adam sol jerden qashyp ketken, dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, Eńbekshiqazaq aýdandyq aýrýhanasynan politsiiaǵa shaǵym túsken. Ol jerde er adam meditsina qyzmetkerlerin balaǵattap, áinekti syndyrǵandyǵy jóninde aryzdanǵan. Anyqtalǵandai janjaldy Túrgen aýylynyń 45 jastaǵy turǵyny shyǵarǵan.
«Ol jerge barǵan ýchaskelik inspektor rasymen er azamattyń qoǵamdyq tártipti buzyp jatqanyn anyqtady. Tártip saqshysy er adamdy sabyrǵa shaqyrǵan. Biraq talapqa baǵynbaǵan ol politseidiń betinen urǵan. Al dalada sol áreketterin qaitalap, taǵy da soqqy jasaǵan. Artynsha qashyp ketken. Qazir kúdiktige qatysty Qylmystyq kodekstiń 293-baby 2-bóligi 2-tarmaǵy boiynsha qylmystyq óndiris qozǵaldy. Qazir kúdiktini ustaý jumystary júrip jatyr», - delingen Almaty oblystyq Politsiia departamenti baspasóz qyzmetiniń habarlamasynda.
Vedomstvonyń aqparatyna sáikes, kúdiktiniń ústinen 293-bap iaǵni, buzaqylyqpen qosa, 380-bap iaǵni, bilik ókiline qatysty kúsh qoldaný baby boiynsha qylmystyq óndiris qozǵaldy.
