Almaty oblysynda qarýdy zańsyz saqtaý áreketi boiynsha 19 qylmystyq is qozǵaldy, - dep habarlaidy QazAqparat.
Almaty oblysynda 26 355 azamattyq qarý ieleri tekserildi. Qarýdy saqtaý, tirkeý jáne qaita tirkeý erejelerin buzýdyń 984 faktisi anyqtaldy. Atys qarýy men onyń oq-dárilerin zańsyz saqtaý faktileri boiynsha 19 qylmystyq is qozǵaldy (QR QK 287-baby). Jeke jáne zańdy tulǵalardyń qarýdy zańsyz iemdengeni, bergeni, ótkizgeni, saqtaǵany, alyp júrgeni, tasymaldaǵany úshin QR ÁQBtK-niń 482-baby boiynsha 37 azamat ákimshilik jaýapqa tartyldy.
«Atalǵan is-sharalardyń nátijesinde qarýmen bailanysty qylmystar men urlyq tómendedi. QR IIM buiryǵyna sáikes, biyl 20 sáýirden bastap Almaty oblysynyń aýmaǵynda halyqtan zańsyz saqtalǵan atys qarýyn, oq-dárilerdi jáne jarylǵysh zattardy satyp alý aktsiiasy ótkiziledi. Politsiia departamenti jáne oblystyń barlyq qalalyq, aýdandyq politsiia basqarmalary men bólimderinde tapsyrylǵan qarýdyń, oq-dárilerdiń jáne jarylǵysh zattardyń tehnikalyq jai-kúiin, sondai-aq syiaqy mólsherin anyqtaý jónindegi 21 komissiia quryldy. Búgingi kúni Almaty oblysynyń aýdandyq jáne qalalyq politsiia bólimsheleri jalpy somasy 6 mln.58 myń 691 teńgege 99 birlik qarýdy (89 birlik tegis uńǵyly, 9 birlik oiyq uńǵyly, 1 birlik travmatikalyq jáne 176 dana oiyq uńǵyly patrondar) óz erkimen tapsyrǵan azamattardyń 74 ótinishin tirkedi. Osy baǵyttaǵy jumystar jalǵasýda», - delingen Almaty oblysy Politsiia departamentiniń baspasóz qyzmeti taratqan habarlamada.
