Foto: Polisia.kz
Almaty oblysy Talǵar aýdanynda politseiler qysqa ýaqyt ishinde tórt túrli alaiaqtyq qylmysyn ashty, dep habarlaidy Ult.kz.
Birinshi jaǵdaida, kúdikti qarjyny kóbeitip beremin degen ýádemen 55 jastaǵy turǵynnyń aqshasyn iemdengen.
Ekinshi oqiǵada nesie rásimdeýge kómektesemin degen syltaýmen alaiaq Talǵar qalasynyń 40 jastaǵy turǵynynan 4 million 293 myń teńge alǵan.
Úshinshi faktide jer telimin satyp alýǵa ýáde bergen 42 jastaǵy kúdiktige jábirlenýshi 3 million 800 myń teńge bergen.
Tórtinshi derekte turmystyq tehnika úshin qarajatty qolma-qol aqshaǵa ainaldyryp beremin degen jeleýmen 55 jastaǵy áiel 860 myń teńge kóleminde shyǵynǵa ushyraǵan.
"Barlyq kúdikti jedel anyqtalyp, aýdandyq politsiia bólimshesine jetkizildi. Atalǵan derekter boiynsha qylmystyq ister qozǵalyp, tergep-tekserý sharalary júrgizilýde", – deidi tártip saqshylary.
Politsiia azamattardy “jeńil jolmen tabys tabý” syndy kúmándi usynystarǵa senbeýge shaqyrady. Resmi kelisim-shartsyz aqsha bermeńiz, aqparattyń anyqtyǵyn muqiiat tekserip, zańgerlerden keńes alyńyz.
"Tájiribe kórsetkendei, júrgizilip jatqan eskertý jáne aldyn alý sharalaryna qaramastan, azamattar alaiaqtardyń arbaýyna túsip jatady. Sondyqtan saq bolyńyzdar, ózderińizdi aldatpańyzdar", – dep tolyqtyrdy vedomstvo ókilderi.
