Búgin «Nur Otan» partiiasy Almaty oblystyq filialy janyndaǵy Sybailas jemqorlyqqa qarsy is-qimyl jónindegi qoǵamdyq keńesi otyrys ótkizdi.
Kezdesýde keńes músheleri Almaty oblysynyń sáýlet jáne qurylys basqarmasy salasyndaǵy sybailas jemqorlyqqa qarsy is-qimyl jónindegi jumystar men Taldyqorǵan jáne Tekeli aýmaqtyq partiia filialdary janyndaǵy sybailas jemqorlyqqa qarsy is-qimyl jónindegi Qoǵamdyq keńestiń jumysy jáne 2015-2025 jyldarǵa arnalǵan sybailas jemqorlyqqa qarsy is-qimyl baǵdarlamasynyń oryndalý barysyn talqylady.
Otyrysqa QR Sybailas jemqorlyqqa qarsy is-qimyl Agenttiginiń Almaty oblysy boiynsha Departamenti basshysynyń birinshi orynbasary Jandos Jumabaev, keńes tóraiymy Rimma Salyqova, keńes músheleri men aýmaqtyq partiia filialdary qatysyp, sybailas jemqorlyqpen kúrestiń jyl basynan bergi nátijeleri men atqarylǵan qyzmettiń jemqorlyqtyń aldyn alý sharalaryndaǵy orny men maqsatyn aiqyndady.
Oblystyq filial janyndaǵy bul keńestiń tóraiymy Rimma Salyqova esep bergen birqatar basqarma basshylaryna sybailas jemqorlyqpen kúreste partiianyń aldyn alý sharalarynyń mańyzdylyǵy men monitoring jumystarynyń ýaqytyly ári sapaly júrgizilýi qajettiligin aitty.
Otyrys sońynda arnaiy hattamalyq tapsyrmalar berilip, tiisti sala mamandaryna usynys, eskertpeler berildi.
Aita keteiik, Almaty oblysynda partiianyń aimaqtyq, aýmaqtyq filialdarynda Sybailas jemqorlyqqa qarsy is-qimyl jónindegi qoǵamdyq keńesteriniń 159 otyrysy ótkizilgen.
Atalǵan otyrystarda 509 usynym berilip, onyń 388-i búgingi kúni oryndaldy.
