Almaty oblysynda kásipkerlik jáne indýstrialdy-innovatsiialyq damý basqarmasynyń basshysy Tamerlan Razbekov sottaldy, - dep habarlaidy "Ult aqparat" Antikordyń baspasóz qyzmetine silteme jasap.
"Taldyqorǵan qalalyq sotynyń úkimimen Almaty oblysynyń kásipkerlik jáne indýstrialdy-innovatsiialyq damý basqarmasynyń basshysy Tamerlan Razbekov pen «ASPMK-519» JShS basshylyǵy sybailas jemqorlyq qylmysy úshin kináli dep tanyldy", - delingen habarlamada.
Tergeý málimetteri boiynsha, basqarma basshysy 2021 jyly JShS tehnikalyq direktory jáne bas direktorynan 96 million teńgege oryndalǵan jumystar aktisine qol qoiýǵa yqpal etkeni úshin jalpy somasy 33 500 AQSh dollary kóleminde para alǵan.
"JShS basshylyǵy 3 jylǵa bas bostandyǵyn shekteýge sottaldy. Razbekov 100,2 million teńge mólsherinde aiyppul salyna otyryp, ómir boiyna memlekettik qyzmette qyzmet atqarý quqyǵynan aiyryldy", - delingen habarlamada.
