Almaty oblysy ákiminiń orynbasary Batyrjan Baijumanovtyń aitýynsha, pandemiianyń bolýy múmkin ekinshi tolqynyna daiyndyq jumystaryna oblystyq biýdjetten qosymsha 7,3 milliard teńge bólingen, dep habarlaidy "Ult aqparat" óńir basshysynyń baspasóz qyzmetine silteme jasap.
Bul qarajat birinshi kezekte aýrýhanalardy materialdyq-tehnikalyq jabdyqtaýǵa baǵyttalatyn bolady. Atap aitqanda, 10 ottegi stantsiiasyn, 150 ókpeniń jasandy jeldetý qurylǵysyn, 100 ottegi kontsentratoryn, 3 kompiýterlik tomografty jáne 3 sandyq rentgen júielerin jáne basqa da qajetti meditsinalyq qural-jabdyqtar satyp alynady. Onyń 500 milliony oblystaǵy meditsinalyq mekemelerge qajetti dári-dármek satyp alý úshin qarastyrylǵan.
Osylaisha, aǵymdaǵy jyly Almaty oblystyq densaýlyq saqtaý salasyna qajetti qural-jabdyqtarmen qamtamasyz etý deńgeii 89% jetedi. Arnaiy kólikter parki 75% jańaratyn bolady.
Aita ketý kerek, búginde oblystyq densaýlyq saqtaý salasynyń balansyna taǵy 50 ottegi kontsentratory qosyldy. Olardy sheteldik kompaniia otandyq «QazMunaiGaz» kompaniiasymen birlesip aýystyrǵan. Alynǵan ottegi kontsentratorlary aimaqtaǵy meditsinalyq mekemelerge taratylady.
