Foto: pixabay.com
Almaty oblysy Politsiia departamenti áiel men onyń eki balasynyń jantúrshigerlik ólimine qatysty pikir bildirdi, - dep habarlaidy "Ult aqparat".
Vedomstvo málimetinshe, 14 qyrkúiek saǵat 23:24 shamasynda Ile aýdany PB-ǵa Ashybulaq aýylyndaǵy úilerdiń birinde órtten keiin zorlyq-zombylyq belgileri bar K. esimdi áiel men onyń eki kámeletke tolmaǵan balasynyń máiitteri tabylǵany týraly aqparat kelip túsken.
"Atalǵan derek aýdandyq politsiiada QR QK 99-baby (Kisi óltirý) boiynsha tirkeldi.
Qazirgi ýaqytta kúdikti adamdy anyqtaý jáne ustaý boiynsha jedel-izdestirý jumystary júrgizilip jatyr. Barlyq aýdandyq politsiia bólimshesine jáne kórshiles óńirlerdiń PD-ǵa baǵdarlar joldandy.
Túpkilikti protsestik sheshim qabyldaý úshin qajetti saraptama taǵaiyndaýmen tergeý is-sharalary júrgizilýde.
QR QIJK-niń 201-baby sheńberinde tergeý múddesi úshin ózge aqparat jariia etýge jatpaidy" - delingen habarlamada.
Eske salaiyq, buǵan deiin áleýmettik jelide Almaty oblysynda er adam eki balasy bar áieldi óltirip, órtep jiberdi degen aqparat taraǵan edi.
