Sýret: © almaty.tv
Almaty oblysy, Eńbekshiqazaq aýdany, Báiterek aýylynda ýlanǵan 10 oqýshy belgisiz jazýy bar, sheteldik taǵamnan ziian shegýi múmkin. Mektep direktory men ata-analar jetkinshekterdiń jaǵdaiy dúkennen satyp alynǵan tuzdalǵan taiaqshalardy jegen soń nasharlai túskenin aitady, dep habarlaidy Almaty.tv.
Báiterek aýylynda ýlanǵan 10 oqýshynyń úsheýi aýrýhanada jatqanyna búgin tórtinshi kún. Jelide jeldei esken jazbalar arqyly tutas aýyl ushynǵan oqýshylardyń jaǵdaiyna alańdaýly. Eń soraqysy da sol – ólim aýzynan aman qalǵan jetkinshekter belgisiz taǵamdy da sol jeli arqyly tanyp, dámin kórgen.
"10 qyz aqsha jinap, ashy taiaqsha alyp jegen. Sony jep, ýlanyp qaldy. Menen alyp jesem bola ma dep surap júrgen. Mekteptiń ashanasyna shaǵym joq, óitkeni meniń qyzym ashanadan tamaq ishpeidi", – deidi ata-analardyń biri.
Ashy taiaqshalardy jegennen soń talyp qulaǵan 10 oqýshy Baiterek aýlyndaǵy mektepte bilim alady. Ustazdary «olar birinshi sabaqta-aq júregi ainyp, qusa bastady» deidi. Keiin osy mekemeden birden aýrýhanaǵa jetkizipti.
"Shet tilde jazylǵan, ne qazaq, ne orys tiline aýdarylmaǵan ónimdi, saqtaý merzimi joq zatty alyp jemeńder dep synypty aralap bárine aityp shyqtym. Ata-analarǵa da eskerttim", – deidi Báiterek orta mektebiniń direktory Jazira Balahan.
Jalpaq jurt jaman atty qylǵan jergilikti dúkenge arna tilshileri de bas suqpaq bolǵan. Degenmen satýshy esigin tars jaýyp, kirgizbei qoiǵan.
Oqýshylar tuzdalǵan taiaqshalardy dál osy dúkennen satyp alǵan. Mundaǵy satýshylar da ony rastap otyr. Olardyń aitýynsha, suranys bolǵan soń sórege ákelip qoiǵan. Sondyqtan aty jazylmaǵan, zaty belgisiz taýardy teksermei satqanyna kináli ekenin moiyndaidy.
"Oqýshylardyń ýlanǵany jóninde mamandar naqty aqparat aitpady ǵoi. Ázirge bári jalǵan. Bizdiń qateligimiz qytaisha jyzylǵan sózdi túsinbedik, Taýardy qabyldap alǵanda, saqtaý merzimine muqiiat qaraimyz", – dedi dúken satýshysy Roza Janyqulova.
Al aýdandyq aýrýhanaǵa túsken 10 balanyń jeteýi ambýlatoriialyq em alý úshin úiine jiberilipti. Al úsheýinde áli álsizdik bar. Sondyqtan saqtyq úshin qazir dáriger baqylaýynda eken.
"On naýqas jedel-járdem kóligimen jetkizildi. Naýqastar tolyq meditsinalyq tekserýden ótken soń, belgisiz taǵamnan ýlanǵany belgili boldy. Qaýipti taǵam, himiialyq zattarmen 5 jasqa deiingi balalar ýlanady. Úi jaǵdaiynda balanyń densaýlyǵyna óte qaýipti, ólip ketýi múmkin", – deidi Eńbekshiqazaq aýdany ortalyq aýrýhanasy direktorynyń orynbasary Áliia Omarbekova.
"2023 jyldyń 19 mamyrynda ónim men jetkizýshini anyqtaý maqsatynda tergeý jumystary bastalyp, nátijesinde shyǵý tegi belgisiz taiaqshanyń satylymda joq ekeni anyqtaldy. Ótinimdi rastaityn tiisti qujatsyz júrgizilgen", – dedi Almaty oblystyq sanitarlyq-epidemiologiialyq baqylaý departamentiniń baspasóz hatshysy Temirlan Aitbaev.
Al atalǵan iske qatysty kináli taraptardy anyqtaý úshin material Talǵar aýdandyq politsiia basqarmasyna jóneltilipti.
