Almaty oblysyndaǵy aýylda jasóspirimder arasynda jappai tóbeles boldy, - dep habarlaidy "Ult aqparat".
Almaty oblysy Politsiia departamenti bastyǵynyń málimetinshe, oqiǵa 29 qarashada bolǵan.
"Instagram áleýmettik jelisindegi paraqshalardyń birinde Ile aýdany Jápek batyr aýylyndaǵy mektepterdiń biriniń oqýshylary tóbelesken beine anyqtaldy.
Atalǵan derek dereý aýdandyq politsiiada QR QK 293 baby boiynsha tirkeldi. Tekserý barysynda 29 qarashada 2008 jylǵy 9 synyp oqýshysy men 2007 jylǵy 10 synyp oqýshysy arasynda kelispeýshilikter týyndap, keiinnen jappai tóbeleske ulasqany anyqtaldy.
Qazirgi ýaqytta barlyq qajetti tergeý áreketteri bastaldy. Sondai-aq, psihologtar osy oqiǵaǵa qatysýshylarmen profilaktikalyq tárbie jumysyn júrgizdi" - dep jazdy oblystyq PD bastyǵy Baýyrjan Álenov.
Sonymen qatar, joǵaryda atalǵan jasóspirimderdiń ata-analaryna qatysty QR ÁQBtK-niń 127, 435-baptary boiynsha 17 ákimshilik hattama toltyrylǵan.
Nazar aýdaryńyz! Videoda zorlyq-zombylyq kórsetilgen.
