Foto: Almaty oblysy PD baspasóz qyzmeti
Almaty oblysynda er adam kámeletke tolmaǵan qyzdy zorlamaq boldy degen kúdikke ilindi. Ol qyzdyń ógei ákesi ekeni anyqtalǵan, - dep habarlaidy "Ult aqparat" oblystyq PD baspasóz qyzmetine silteme jasap.
1 tamyzda Qarasai aýdanynyń Politsiia basqarmasyna 1966 jyly týǵan J. kámeletke tolmaǵan qyzyn zorlamaq bolǵan er adamǵa qatysty shara qoldanýdy surap júgingen.
"Aryz sol kúni QR Qylmystyq kodeksiniń 24-baby 3-bóligi, 120-baby 3-1-bóligi, 1-tarmaǵy boiynsha aýdandyq politsiianyń SDTTBT-ǵa tirkelip, sotaldy tergeý amaldary bastaldy. Jedel-izdestirý is-sharalary barysynda politsiia qyzmetkerleri 1981 jyly týǵan M.-ny anyqtap, ustady", – dedi Almaty oblysy PD basshysy, politsiia polkovnigi Baýyrjan Álenov.
Tergeý barysynda qylmysqa qatysy bar er adam jábirlenýshiniń ógei ákesi ekeni anyqtalǵan. Ol kámeletke tolmaǵan balamen jynystyq qatynasqa túspek bolǵan. Bul ýaqytta olar týystarynyń úiinde bilim berý mekemesin tańdaimyz degen jeleýmen bolǵan.
"Qazirgi ýaqytta kúdikti QR Qylmystyq-protsestik kodeksiniń 128-babyna sáikes ustalyp, aýdandyq ishki ister bóliminiń ýaqytsha ustaý izoliatoryna qamaldy. Tergeý barysy erekshe baqylaýǵa alyndy", - dep qosty polkovnik Álenov.
