Foto: polisia.kz
Almaty oblysynda muǵalimdi urdy dep kúdiktelgen oqýshyǵa qylmystyq is qozǵaldy. Jarty aida jas túlek atanǵaly otyrǵan bozbala qazir "Buzaqylyq" baby boiynsha tergelýde. Endi oǵan jáne ata-anasyna jazany sot taǵaiyndaidy, dep habarlaidy "KTK" arnasy.
Janjal 16 qańtarda Almaty oblysyndaǵy aýyldardyń birinde ornalasqan jańa orta mektepte bolǵan. Al qylmystyq is video jelige tarap, úlken shýǵa ulasqan soń qozǵalyp otyr. Telearna málimetinshe, sabaq ýaqytynda syrtta júrgen oqýshyǵa muǵalim eskertý jasaǵan.
Ustazdyń urysqany balaǵa jaqpai qalyp, ol judyryq ala júgiripti. Bul áreketi beinebaqylaý kamerasynda anyq kórinip tur. Endi onyń kámeletke tolmaýyna bailanysty ata-anasy da jaýapqa tartylady deidi oblystyq politsiia departamentiniń ókilderi.
