Almaty oblysynda 78460 áskeri bólimindegi merzimdi qyzmettegi sarbaz óz-ózine qol saldy, - dep habarlaidy kaz.tengrinews.kz tilshisi QR Qorǵanys ministrliginiń baspasóz qyzmetine silteme jasap.
"2016 jyldyń 2 qazanynda Almaty oblysyndaǵy 78460 áskeri bóliminde merzimdi qyzmettegi áskeri qyzmetker óz-ózine qol saldy. Táýliktik jasaqta birge shaqyrtylǵan qyzmettesterimen birge qyzmet etýi barysynda qatardaǵy jaýynger S.Verbitskii sýitsid jasady", - delingen vedomstvonyń habarlamasynda. Áskeri qyzmetker 2016 jyldyń mamyrynda áskerge shaqyrtylǵan.
Sonymen qatar, baspasóz qyzmetindegilerdiń málimetinshe, oqiǵa ornynda áskeri qyzmetkerdiń haty tabylǵan. Bul hatynda ol óz ólimine eshkimniń kináli emes ekenin jazǵan kórinedi.
Qazirgi ýaqytta osy derek boiynsha quqyq qorǵaý organdarynyń qyzmetkerleri tergeýdi bastady.
