Almaty oblysynda meditsinalyq kadrlar jetispeýshiligi máselesin sheshý úshin barlyq aýdan, qalalarda mamandarǵa arnalǵan 126 páter satyp alynady. Osy maqsatqa 756 mln. teńge bólindi. Bul týraly Almaty oblysynyń ákimi A. Batalovtyń esepti jiynynda aityldy, dep habarlaidy "Ult aqparat".
Kadr tapshylyǵyn sheshýdiń taǵy bir joly retinde 47 arnaiy maman óte qat mamandyqtar boiynsha rezidentýrada oqyp jatsa, elimizdiń meditsinalyq joǵary oqý oryndarynda 36 stýdent ákim grantymen bilim alyp júrgeni da sóz boldy.
- Biylǵy jyldan meditsinalyq uiymdar mindetti meditsinalyq saqtandyrý júiesine kóshti. Osyǵan bailanysty halyqtyń mediko-sanitarlyq kómek nysandaryna qoljetimdiligin qamtamasyz etý – atqarýshy organdardyń negizgi mindetteriniń biri. Osy maqsatta Taldyqorǵandaǵy 6-shy shaǵyn aýdandaǵy 16 qabatty turǵyn úidiń birinshi qabatynan 320 adam qabyldaityn alǵashqy mediko-sanitarlyq ortalyq ashylǵan. Oǵan qosa biylǵy jyly 3,8 mlrd. teńgege 9 dárigerlik ambýlatoriia men medpýnkt salynady, - dedi Amandyq Batalov óz baiandamasynda.
