Almaty oblysynda mas kólik júrgizýshi 4 oqýshyny qaǵyp ketti. Ártúrli dene jaraqattaryn alǵan úsh bala aýrýhanaǵa jatqyzyldy, dep habarlaidy "Ult aqparat".
«Oqiǵa 2 naýryzda saǵat 18:40-ta Eńbekshiqazaq aýdanynda bolǵan. «Ýaz» avtokóligi Arziev kóshesimen soltústik baǵytta kele jatyp, jol jieginde turǵan eki 8 jastaǵy jáne eki 9 jastaǵy qyzdardy qaǵyp ketti. Almaty oblysynyń Politsiia departamenti kólikti basqarǵan Eńbekshiqazaq aýdany Koram aýylynyń 54 jastaǵy turǵynyn ustady. Ol kólikti mas kúiinde júrgizgen», - dedi Politsiia departamentiniń baspasóz qyzmeti.
Jaraqat alǵan úsh bala Shelek aýdandyq aýrýhanasyna jatqyzyldy. Júrgizýshi meditsinalyq aiyqtyrý pýnktine ornalastyryldy.
Qazirgi ýaqytta jol-kólik oqiǵasyna sáikes QR QK 345-1 baby, 2-bólimi boiynsha sotqa deiingi tergeý isi bastaldy. Tiisti saraptamalar taǵaiyndaldy.
