© Foto: Reuters
Almaty oblysynda terrorizmge qarsy operatsiialar aiaqtaldy. Biraq politseiler kúsheitilgen rejimde jumys istep, qoǵamdyq tártipti qamtamasyz etýde, dep habarlaidy QazAqparat.
Oblys aýmaǵynda «Quqyqtyq tártip» respýblikalyq jedel-aldyn alý sharalary júrip jatyr. Taldyqorǵan qalasynda turaqty túrde tórt blokbeket táýlik boiy jumys istep tur. Halyqtyń emin-erkin júrip turýyn qadaǵalaityn qosymsha baqylaý beinekameralary ornatylyp, saiajailarda reidtik sharalar júrgizilýde. Oblys aýmaǵynda 19 modýldik beket qoiyldy. Respýblikalyq jáne oblystyq mańyzy bar joldar men ishki joldarda baqylaý kúsheitildi.
«Jedel-aldyn alý sharalary barysynda 61 qylmystyq is qozǵaldy. Buryn izdeýde júrgen 11 qylmysker qolǵa tústi. 15 qarý, 3 jarylǵysh zat tárkilendi. 11 arnaiy qorǵanys quraly tabyldy. Bul baǵytta jumystar áli de jalǵasady», - dedi Almaty oblystyq Politsiia departamenti bastyǵynyń birinshi orynbasary Erjan Orazbaev.
