Shekarashylar qyzyl kitapqa engen ósimdikterdi zańsyz áketýdiń jolyn kesti, dep habarlaidy «Ult aqparat» Qazaqstan Respýblikasy Ulttyq qaýipsizdik komitetiniń baspasóz qyzmetine silteme jasap.
2021 jylǵy 30 shildede UQK Almaty oblysy boiynsha Shekara qyzmeti Departamentiniń áskeri qyzmetshileri «Ile Alataý» memlekettik Ulttyq tabiǵi parkiniń qyzmetkerlerimen birlesip, Qyzyltamyr emdik ósimdigin zańsyz jinaǵan Eńbekshiqazaq aýdany Aqtoǵan eldi mekeniniń 1980 jyly týǵan «J» azamatyn ustady.
«Ustalǵan adamnan jalpy salmaǵy shamamen 150 kg bolatyn qyzyl kitaptyq ósimdik salynǵan tórt qap tabyldy. Ustalǵan adam men zattai dáiekter odan ári tekserý men protsesstik sheshimderdi qabyldaý úshin ýákiletti organdarǵa berildi» delingen resmi habarlamada.
Esterińizge sala keteiik, buǵan deiin 8 shildede UQK Shekara qyzmeti Almaty oblysy boiynsha departamentiniń Qarasai aýdany boiynsha shekara basqarmasyna qarasty «Saty» shekara bólimshesiniń aýmaǵynda qyzmet atqarý kezinde shekarashylar jalpy salmaǵy 300 jáne 150 kg bolatyn «Qyzyltamyr» (Makrotomiia boiaýshy) qyzyl kitaptyq ósimdigin zańsyz jinaýdyń eki oqiǵasynyń aldyn alǵan bolatyn. Osylaisha, shekarashylardyń qyraǵylyǵynyń arqasynda shekaralyq aimaqtyń ekologiiasyna zalal keltiretin zańsyz is-árekettiń taǵy bir ret joly kesildi.
