Almaty oblysynda biylǵy jyly da qurylys qarqyny báseńdemeidi. Máselen, osy jyly óńirde 938,8 myń sharshy metr turǵyn úidi paidalanýǵa berý kózdelgen. Sonyń 136,0 myń sh. metri nemese 1 714 páter, iaǵni 519 turǵyn úi biýdjet esebinen salynady.
Jalpy «Nurly jer» baǵdarlamasy sheńberinde 119 jobany júzege asyrýǵa respýblikalyq jáne jergilikti biýdjetten 41,6 mlrd. teńge qarastyryldy. Sonyń ishinde 30,2 mlrd. teńge bolatyn 52 joba turǵyn úi qurylysyna, 11,4 mlrd. teńgelik 67 joba injenerlik infraqurylymǵa qatysty.
Sonymen qatar «Jumyspen qamtý jol kartasy» boiynsha 977 jobany júzege asyrýǵa oblysqa 109,2 mlrd. teńge bólingen. Onyń ishinde 429-y - áleýmettik salanyń jobalary. Sol siiaqty 53-i - sýmen qamtý nysandaryn qaita jańǵyrtý men jóndeý, 84-i – abattandyrý, 220 eldi mekende 500 shaqyrym jol jóndeý jumystary.
Oblystyq qurylys basqarmasynyń málimetinshe, 2020 jyly respýblikalyq biýdjetten jalǵa beriletin turǵyn úi qurylysyna 18,0 mlrd. teńge (RB-9,0 mlrd. teńge, JB-9,0 mlrd. teńge) qarastyrylǵan, onyń ishinde 8,6 mlrd. teńge (RB - 5,6 mlrd. teńge, JB - 3,0 mlrd. teńge) kóp balaly otbasylarǵa arnalǵan turǵyn úi qurylysyna baǵyttalady. Áleýmettik osal toptarǵa 975 jalgerlik turǵyn úi beriledi (377 úi), onyń ishinde kóp balaly otbasylarǵa 669 páter berý josparlanyp otyr. Jergilikti biýdjetten 50 páter satyp alynady, jalpy 719 kóp balaly otbasy turǵyn úimen qamtamasyz etiledi. Nesielik turǵyn úi qurylysy boiynsha jalpy alańy 51,4 myń sharshy metr quraityn 648 páterli 51 turǵyn úi paidalanýǵa berý josparlanýda (5,7 mlrd.tg).
Sonymen qatar, jalpy alańy 9,0 myń sh. m. quraityn 91 kommýnaldyq turǵyn úidiń qurylysy júrgizilýde (2 mlrd.tg). Injenerlik - kommýnikatsiialyq jeliler 6 264 jer telimderinde júrgizilýde, olarǵa 483,6 shaqyrym jeliler tartylatyn bolady.
Atap ótsek, biylǵy jyly barlyq baǵyttar boiynsha 135 otbasy turǵyn úi satyp aldy, onyń 71-i - kóp balaly otbasy. 2019 jyly "Baqytty otbasy" baǵdarlamasy aiasynda 500 otbasy óz baspanasyn aldy (QR boiynsha Nur-Sultan qalasynan keiingi 2-shi kórsetkish). Jyl basynan beri 69 páter satyp alyndy, onyń ishinde kóp balaly otbasy sany – 30. Jalpy, 2020 jyly "Baqytty otbasy" baǵdarlamasy aiasynda 600 otbasy baspanamen qamtamasyz etiledi.
«El Prezidentiniń tapsyrmasyna sáikes Almaty oblysynda turǵyn úi jáne áleýmettik-mádeni nysandardyń qurylys jumystary toqtamai, tiisti jumys kestesine sáikes júrgiziledi. Bul óz kezeginde jumys oryndaryn qurýǵa, óńir ekonomikasyn damytýǵa yqpal etpek. Bul rette koronavirýstyń taralýyna jol bermeý maqsatynda qurylys nysandarynyń barlyq sanitarlyq-dezinfektsiialyq sharalardy oryndaýy, shekteýlerge bailanysty jumysshylarǵa tiisti jaǵdai jasalýy oblys ákiminiń baqylaýynda», - delingen oblys ákimi baspasóz qyzmetiniń habarlamasynda.
