Almaty oblysynda koronavirýs infektsiiasyn juqtyrǵandar sanatyna taǵy eki adam qosyldy. Olar – Jambyl aýdany Myńbaev aýylynyń turǵyndary, - dep habarlaidy "Ult aqparat" oblys ákiminiń baspasóz qyzmetine silteme jasap.
Olardyń birinshisi – 1997 jyly týǵan azamat, dárigerge júgingende ókpesiniń qabynýy anyqtalyp, soǵan bailanysty KVI-ge virýsologiialyq analiz alynǵan, qorytyndysy onyń syrqat ekenin kórsetken.
Ekinshisi – 1975 jyly týǵan áiel adam, naýryzdyń 1-7 aralyǵynda Tashkentte, 18 naýryzda Almaty qalasynda bolǵan. 13 naýryzda infektsionist dárigerge qurǵaq jótel, dám jáne iis sezýiniń buzylýyna shaǵymdanǵan jáne ol murny bitkenine bailanysty 6 sáýirden óz betinshe antibiotik qabyldaǵanyn aitqan. Dárigerlerdiń qaraýynan keiin provizorlyq bólimge jatqyzylyp, KVI-ǵa virýsologiialyq analiz alyndy, qorytyndysy onyń koronavirýs infektsiiasyn juqtyrǵanyn kórsetti.
Syrqattardyń ekeýi de Qarasai aýdandyq ortalyq aýrýhanynyń infektsiialyq bóliminde jatyr.
Eki adamnyń jalpy sany 130 adammen bailanysta bolǵany belgili boldy, olardyń barlyǵy Myńbaev aýylyndaǵy aýrýhananyń provizorlyq bólimine oqshaýlandyrylyp, árqaisysynan virýsologiialyq analiz alyndy.
