Almaty oblysynyń Qarasai aýdanyndaǵy Qaskeleń qalasynda bir adamnyń koronavirýs juqtyrǵany anyqtaldy. Bul týraly densaýlyq saqtaý ministrligi habarlady.
"2020 jyldyń 21 naýryzy saǵat 12.00-degi derek boiynsha, koronavirýs juqtyrǵandar sany 53 adamǵa jetti. Almaty qalasynda – 22 adam, Nur-Sultan qalasynda – 28 adam, Qaraǵandy qalasynda – 2 adam, Almaty oblysynda bir adam tirkeldi", - delingen aqparatta.
Aita keteiik, Memleket basshysy Qasym-Jomart Toqaevtyń tapsyrmasymen 16 naýryzda Qazaqstanda tótenshe jaǵdai jariialandy. Ol otyz táýlikke jalǵasady. 19 naýryzda Almaty men Nur-Sultan qalasy karantinge jabyldy.
Azamattarǵa eki qalaǵa kirip-shyǵýǵa 22 naýryzǵa deiin ýaqyt berildi. Karantin engizilýine bailanysty iri saýda jáne oiyn-saýyq ortalyqtary, mádeniet, tamaqtaný jáne qyzmet kórsetý ortalyqtary ýaqytsha jabyldy.
