Epidemiologiialyq jaǵdaidyń kúrt ózgerýine bailanysty Kegen, Talǵar aýdandarynda, sondai-aq Taldyqorǵan qalasynda karantin rejimi kúsheitildi, dep habarlaidy "Ult aqparat".
Bul týraly «Jetisy media» aqparat alańynda Almaty oblysy densaýlyq saqtaý basqarmasynyń basshysy Baýyrjan Ysqaq málimdedi. Onyń aitýynsha, indet juqtyrýdyń jańa jaǵdailary osy óńirlerde tirkelgen. Osyǵan sáikes saqtyq sharalary qaitadan kúsheitilip otyr.
«Búgingi tańda Almaty oblysynda koronavirýspen aýyrǵandar sany 212-ge jetti. Onyń ishinde 73 patsient statsionarlyq emdelýde. Naýqastarmen 2254 adam bailanysta bolǵan. Olardyń barlyǵy meditsinalyq baqylaýǵa alyndy. Epidemiologiialyq zertteý júrgizilip jatyr. Qazirgi ýaqytta koronavirýs infektsiiasynyń belsendi 3 oshaǵy bar. Bul - Talǵar, Kegen aýdandary men Taldyqorǵan qalasy. Demek, karantin sharalary kúsheiedi», – dep atap ótti Baýyrjan Ysqaq.
Kúrdeli epidemiologiialyq jaǵdaiǵa qaramastan, Almaty oblysynda karantindi kezeń-kezeńmen jeńildetý jalǵasýda.
Sonymen, 18 mamyrdan bastap oblystyń bas memlekettik sanitar dárigeriniń jańa qaýlysyna sáikes, blokpostar alynyp, mańyzdy nysandar jumysqa kirisedi.
