Almaty oblysynda 29 jastaǵy áiel qaiyn apasyn óltirdi degen kúdikpen ustaldy, dep habarlaidy "Ult aqparat".
Almaty oblystyq politsiia departamenti baspasóz qyzmetiniń málimetinshe, oqiǵa Jambyl aýdanynyń Qarǵaly aýylynda bolǵan.
6 shilde kúni túngi saǵat 3:00 shamasynda Jambyl aýdandyq politsiia basqarmasyna jer úidiń biri órtenip, ishinen 37 jastaǵy áiel adamnyń denesi tabylǵany jóninde habar tústi.
27 jastaǵy kórshi tún ishinde oianyp, órtenip jatqan úige kómekke júgirgen.
Er adam janyp jatqan úiden kámelet jasyna tolmaǵan 3 balany jáne áiel adamdy alyp shyqqan.
«Tergeý kezinde órtten qutqarylǵan 29 jastaǵy áiel adam óltirdi degen kúdikke ilindi. Ol óziniń qaiyn ápkesin óltirip, úidi órtegenin moiyndady. Sózinshe, ol jasaǵan qylmysynan soń úige benzin quiyp, ózin de, balalardy da órtep jibermek bolǵan», - dep málimdedi atalǵan vedomstvonyń baspasóz qyzmetinen.
Qazir osy qandy qylmysqa qatysty QR QK 99-baby boiynsha sotqa deiingi tergeý bastaldy.
Kúdikti 29 jastaǵy áiel qamaýǵa alyndy.
