Almaty oblysyna Birikken Arab Ámirlikterinen ushyp kelgen el óńirleriniń 135 turǵyny karantinnen shyǵaryldy, dep habarlaidy "Ult aqparat" Almaty oblysy ákiminiń baspasóz qyzmetine silteme jasap.
Taldyqorǵan men Tekeli qalalarynda arnaiy oryndarda oqshaýlandyrylǵan 135 adam búgin óz turǵylyqty óńirlerine qaitaryla bastady.
Elge kelgenge deiin de BAÁ-de birneshe kún karantinde bolǵan bul jolaýshylardyń barlyǵynan kelgen bette tiisti analizder alynyp, qorytyndysy teris nátije kórsetti.
Endi oblys ákiminiń tapsyrmasyna sáikes osy azamattardy turǵylyqty jerlerine tegin jetkizip salý jumystary uiymdastyrylýda. Atap ótsek, Taldyqorǵan men Tekeli qalasyna jetkizilgen 135 azamattyń 10-y – Qostanai, 10 – Pavlodar, 9 – Almaty, 8 – Shyǵys Qazaqstan, 6 – Aqtóbe, 5 – Aqmola, 4 – Jambyl, 2 – Batys Qazaqstan, 2 – Mańǵystaý, 3 – Qyzylorda, 1 – Qaraǵandy, 1 – Túrkistan oblystarynyń, 31-i – Almaty, 27 – Nur-Sultan jáne 16 – Shymkent qalalarynyń turǵyndary.
Tiisti oblystar men qalalardyń jedel shtabtaryna azamattar týraly aldyn ala aqparat berilip, qabyldap alý máselesi kelisildi. Búgin olar arnaiy kóliktermen óz óńirlerine jetkiziledi.
Esterińizge sala keteiik, 11 sáýir kúni 135 adam Shardja-Taldyqorǵan reisimen ushyp keldi.
