Almaty oblysynda koronavirýs juqtyrǵandar sany qaita artyp keledi. Sońǵy aptada indetke shaldyǵý ósimi 4,5 paiyzǵa jetken, dep habarlaidy QazAqparat.
«Virýsty juqtyrý ósimi sońǵy aptada 4,5 % jetti. Al karantin talaptaryn jeńildetý kezeńinde bul kórsetkish 2,5 paiyzdan aspaǵan bolatyn. Tájiribe kórsetip otyrǵandai, oblys turǵyndary men biznes ókilderi karantinniń negizgi talaptaryn oryndamaidy. Meditsinalyq maska taqpaidy, adamdar arasyndaǵy araqashyqtyq saqtalmaidy. Jalpy, karantin talaptaryn saqtamaǵan 720 jaǵdai tirkeldi», - dedi Almaty oblysy ákiminiń baspasóz hatshysy Ǵalymurat Júkel.
Qazir koronavirýstyń ósý qarqyny Taldyqorǵan qalasynda joǵary. Oblys ortalyǵynda alǵashqy jaǵdai elimizde tótenshe jaǵdai rejimi alynyp tastalǵannan keiin tirkeldi. Iaǵni, 14 mamyr kúni politseidiń indetti juqtyrǵanyn mamandar habarlady.
Taldyqorǵan qalasy ákiminiń baspasóz hatshysy Nur Qanatulynyń sózinshe, búgingi kúni shaharda indetti juqtyrǵandar sany 140 adamǵa jetti. Osy jaitqa bailanysty 6 maýsym kúni Taldyqorǵan bas sanitarlyq dárigeriniń jańa qaýlysy shyqty. Qujatqa sáikes, oblys ortalyǵynda karantin rejimi jalǵasady. Biraq sanitarlyq postar qoiylmaidy, nysandar jabylmaidy.
«Eshqandai obektiler jabylmaidy. Tek jumys isteý ýaqyttaryna ózgeris engizildi. Sanitarlyq postardy da qaita qoimaimyz. Biraq dezinfektsiialaý jumystary qoǵamdyq oryndarda, halyq kóp shoǵyrlanatyn jerlerde, turǵyn úi kireberisterinde kúnde júrgiziledi. Halyqtan meditsinalyq betperde kiip, ara-qashyqtyqty saqtaýdy ótinip suraimyz», - dedi N.Qanatuly.
Taldyqorǵanda jańadan shyqqan qaýlyǵa sáikes:
- azyq-túlik bazarlary (iarmarka) saǵat 08:00-den 15:00-ge deiin;
- avtokólik bólshekterin, qurylys materialdaryn, turmystyq himiia zattaryn, turmystyq tehnikany satatyn azyq-túlik emes dúkender saǵat 10:00-den 17:00-ge deiin;
- azyq-túlik emes, onyń ishinde saýda úiler, bazarlardyń jumys ýaqyty saǵat 10:00-den 17:00-ge deiin;
- turmystyq jáne elektrondyq tehnikany jóndeý boiynsha qyzmetterdiń jumys ýaqyty saǵat 10:00-den 17:00-ge deiin;
- qurylys dúkenderi, jazǵy kottedj jabdyqtaryn satatyn dúkender, optika (dúkender), fotosalondar, zoodúkender, tyǵyz qatynasty boldyrmaityn nysandar saǵat 10:00-den 17:00-ge deiin;
- sulýlyq salondary, shashtarazdar (aldyn ala jazylý boiynsha) klientterdiń betperde kiiýin talap ete otyryp, saǵat 10:00-den 18:00-ge deiin;
- qoǵamdyq tamaqtaný oryndary saǵat 10:00-23:00 aralyǵynda jumys isteidi. Kelýshilerdiń jalpy sany 50 adamnan aspaýy tiis jáne olardy otyrǵyzý talaptary qatań saqtalýy kerek.
