الماتى وبلىسىندا كوروناۆيرۋس جۇقتىرعاندار سانى قايتا ارتىپ كەلەدٸ. سوڭعى اپتادا ٸندەتكە شالدىعۋ ٶسٸمٸ 4,5 پايىزعا جەتكەن, دەپ حابارلايدى قازاقپارات.
«ۆيرۋستى جۇقتىرۋ ٶسٸمٸ سوڭعى اپتادا 4,5 % جەتتٸ. ال كارانتين تالاپتارىن جەڭٸلدەتۋ كەزەڭٸندە بۇل كٶرسەتكٸش 2,5 پايىزدان اسپاعان بولاتىن. تەجٸريبە كٶرسەتٸپ وتىرعانداي, وبلىس تۇرعىندارى مەن بيزنەس ٶكٸلدەرٸ كارانتيننٸڭ نەگٸزگٸ تالاپتارىن ورىندامايدى. مەديتسينالىق ماسكا تاقپايدى, ادامدار اراسىنداعى اراقاشىقتىق ساقتالمايدى. جالپى, كارانتين تالاپتارىن ساقتاماعان 720 جاعداي تٸركەلدٸ», - دەدٸ الماتى وبلىسى ەكٸمٸنٸڭ باسپاسٶز حاتشىسى عالىمۇرات جٷكەل.
قازٸر كوروناۆيرۋستىڭ ٶسۋ قارقىنى تالدىقورعان قالاسىندا جوعارى. وبلىس ورتالىعىندا العاشقى جاعداي ەلٸمٸزدە تٶتەنشە جاعداي رەجيمٸ الىنىپ تاستالعاننان كەيٸن تٸركەلدٸ. ياعني, 14 مامىر كٷنٸ پوليتسەيدٸڭ ٸندەتتٸ جۇقتىرعانىن ماماندار حابارلادى.
تالدىقورعان قالاسى ەكٸمٸنٸڭ باسپاسٶز حاتشىسى نۇر قاناتۇلىنىڭ سٶزٸنشە, بٷگٸنگٸ كٷنٸ شاھاردا ٸندەتتٸ جۇقتىرعاندار سانى 140 ادامعا جەتتٸ. وسى جايتقا بايلانىستى 6 ماۋسىم كٷنٸ تالدىقورعان باس سانيتارلىق دەرٸگەرٸنٸڭ جاڭا قاۋلىسى شىقتى. قۇجاتقا سەيكەس, وبلىس ورتالىعىندا كارانتين رەجيمٸ جالعاسادى. بٸراق سانيتارلىق پوستار قويىلمايدى, نىساندار جابىلمايدى.
«ەشقانداي وبەكتٸلەر جابىلمايدى. تەك جۇمىس ٸستەۋ ۋاقىتتارىنا ٶزگەرٸس ەنگٸزٸلدٸ. سانيتارلىق پوستاردى دا قايتا قويمايمىز. بٸراق دەزينفەكتسييالاۋ جۇمىستارى قوعامدىق ورىنداردا, حالىق كٶپ شوعىرلاناتىن جەرلەردە, تۇرعىن ٷي كٸرەبەرٸستەرٸندە كٷندە جٷرگٸزٸلەدٸ. حالىقتان مەديتسينالىق بەتپەردە كيٸپ, ارا-قاشىقتىقتى ساقتاۋدى ٶتٸنٸپ سۇرايمىز», - دەدٸ ن.قاناتۇلى.
تالدىقورعاندا جاڭادان شىققان قاۋلىعا سەيكەس:
- ازىق-تٷلٸك بازارلارى (يارماركا) ساعات 08:00-دەن 15:00-گە دەيٸن;
- اۆتوكٶلٸك بٶلشەكتەرٸن, قۇرىلىس ماتەريالدارىن, تۇرمىستىق حيمييا زاتتارىن, تۇرمىستىق تەحنيكانى ساتاتىن ازىق-تٷلٸك ەمەس دٷكەندەر ساعات 10:00-دەن 17:00-گە دەيٸن;
- ازىق-تٷلٸك ەمەس, ونىڭ ٸشٸندە ساۋدا ٷيلەر, بازارلاردىڭ جۇمىس ۋاقىتى ساعات 10:00-دەن 17:00-گە دەيٸن;
- تۇرمىستىق جەنە ەلەكتروندىق تەحنيكانى جٶندەۋ بويىنشا قىزمەتتەردٸڭ جۇمىس ۋاقىتى ساعات 10:00-دەن 17:00-گە دەيٸن;
- قۇرىلىس دٷكەندەرٸ, جازعى كوتتەدج جابدىقتارىن ساتاتىن دٷكەندەر, وپتيكا (دٷكەندەر), فوتوسالوندار, زوودٷكەندەر, تىعىز قاتىناستى بولدىرمايتىن نىساندار ساعات 10:00-دەن 17:00-گە دەيٸن;
- سۇلۋلىق سالوندارى, شاشتارازدار (الدىن الا جازىلۋ بويىنشا) كليەنتتەردٸڭ بەتپەردە كييۋٸن تالاپ ەتە وتىرىپ, ساعات 10:00-دەن 18:00-گە دەيٸن;
- قوعامدىق تاماقتانۋ ورىندارى ساعات 10:00-23:00 ارالىعىندا جۇمىس ٸستەيدٸ. كەلۋشٸلەردٸڭ جالپى سانى 50 ادامنان اسپاۋى تيٸس جەنە ولاردى وتىرعىزۋ تالاپتارى قاتاڭ ساقتالۋى كەرەك.
