Almaty oblysynyń aýmaǵynda erteńnen bastap eki kún kúsheitilgen lokdaýn engiziledi. Iaǵni azyq-túlik dúkenderi men dárihanalardan basqa mekemelerdiń bári jabylady, dep habarlaidy "Ult aqparat".
Turǵyndar da syrtta sebepsiz júrýge bolmaidy. Eger tártip saqtalmasa aiyppul salynady. Onymen qosa, demalys kúnderi qoǵamdyq kólikterdiń de jumysy toqtaityn boldy. Al bes kún buryn elimizde engizilgen qatań oqshaýlaý sharalary aimaqta az bolsa da nátijesin berip jatyr. Óitkeni ótken aptada virýstyń taralýy 4,4 paiyz bolǵan bolsa, qazirgi ýaqytta kórsetkish 3,4 paiyzdy quraidy.
«2020 jylǵy 11 jáne 12 shildede qoǵamdyq kóliktiń, sondai-aq barlyq obektilerdiń qyzmetin toqtata turýdy qamtamasyz etý. Oblystyń kommýnaldyq qyzmetteri men infraqurylymdary (elektr energetikalyq kompaniialar, sýmen jabdyqtaý/jylýmen jabdyqtaý, órtke qarsy jáne avariialyq-qutqarý qyzmetteri, turǵyn úi qoryn basqarý salasyndaǵy qyzmetter (elektrikter, santehnika, aýlalar men úi-jailardy jinaý, avariialyq qyzmet, onyń ishinde liftilerge qyzmet kórsetý), kósheler men úi-jailardy jinaý, qoqys pen qaldyqtardy jinaý, óńdeý jáne kádege jaratý, dezinfektsiialyq qyzmetter, jol qozǵalysyn retteýmen tehnikalyq quraldarynyń jumys isteýin qamtamasyz etetin uiymdar», - delingen Almaty oblysynyń bas memlekettik sanitarlyq dárigeriniń orynbasarynyń búgin shyǵarǵan N20-shy qaýlysynda.
