Almaty oblysyndaǵy avtojolda qaraqshylyq shabýyl jasaldy, politseiler arnaiy operatsiia ótkizdi, - dep habarlaidy "Ult aqparat".
8 jeltoqsan kúni túnde Jambyl aýdany politsiiasynyń kezekshi bólimine Jambyl oblysynyń 47 jastaǵy turǵyny habarlasyp, oǵan qaraqshylyq shabýyl jasalǵanyn aitqan. Jábirlenýshiniń aqparaty boiynsha, ol dosymen birge Almaty – Bishkek avtojolynda kele jatqan jáne kóliginde iri somada qarajat bolǵan.
«Samsy aýylynyń shetinde jábirlenýshiniń kóligine «Nissan Tsefiro» avtokóligi soqtyǵysqan. Osydan keiin meditsinalyq betperde kigen úsh adam jábirlenýshige shabýyl jasap, pyshaqpen qorqytyp, onyń kóligi men qarjysyn alyp ketken. Qaraqshylyq shabýyl deregi boiynsha QR Qylmystyq Kodeksiniń 192-babynyń 4-bóligi boiynsha sotqa deiingi tergeý amaldary bastaldy. Kúdiktiler eki kólikti de jaqyn mańdaǵy Samsy aýylyna tastap ketken», - dedi Almaty oblysy PD Kriminaldyq politsiia basqarmasynyń bastyǵy Ashat Daniiar.
Politseiler ártúrli nusqalar men kúdikke ilingen toptardy pysyqtai otyryp, qylmystyq toptyń izine tústi. Top quramynda Almaty qalasynyń 27, 31 jáne 37 jastaǵy turǵyndary bar ekeni anyqtaldy.
17 jeltoqsanda Almaty oblysynyń Kriminaldyq politsiia qyzmetkerleri arnaiy bólimshe jaýyngerleriniń qatysýymen kúdiktilerdi ustaý boiynsha arnaiy operatsiia júrgizdi.
«Sotqa deiingi tergeý barysynda jinaqtalǵan bultartpas aiǵaqtardan keiin kúdiktilerdiń barlyǵy asa aýyr qylmys jasaǵandaryn moiyndady.
«Tergeý barysynda ustalǵandardyń elitalyq dúkenderden qymbat kiim men aiaq kiim satyp alý úshin 200 myń AQSh dollaryn jumsaǵany anyqtaldy. Budan basqa, urlanǵan aqshaǵa olar «Lada Priora» jáne «Lend krýzer 200» markaly eki kólik satyp alǵany belgili boldy. Kólikter tárkilenip, sot sheshimine deiin arnaiy turaqqa toǵytyldy. Barlyq kúdiktilerge kúzetpen ustaý túrindegi bultartpaý sharasy tańdaldy. Sonymen qatar, ustalǵandardyń birin urlyq jasaǵany úshin ShQO politseileri 2016 jyldyń shilde aiynan bastap izdestirip jatqanyn atap ótý qajet», - dep qorytyndylady Ashat Daniiar.
