Qańtar oqiǵasy kezinde Almaty oblysynda 16 adam mert bolǵan. Bul týraly Ortalyq kommýnikatsiialar qyzmetinde QR Bas prokýratýrasy 1-qyzmet basshysynyń orynbasary Eldos Qilymjanov aitty, dep habarlaidy QazAqparat.
«Sonymen qatar, biz qaza tapqan adamdar týraly aqparatty mán-jaidyń anyqtalýyna qarai halyqqa jetkizip otyramyz. Buǵan deiin Qyzylorda, Atyraý, Shymkent jáne Taraz qalalaryndaǵy terroristik shabýyl týraly habarlaǵan bolatynbyz. Búgin men Almaty jáne Shyǵys Qazaqstan oblystaryna toqtalǵym keledi. Almaty oblysynda 16 adam kóz jumdy, onyń ishinde 5 quqyq qorǵaý organynyń qyzmetkeri bar. 6-19 qańtar aralyǵynda atalǵan óńirde terroristik qaýiptiń «qyzyl» deńgeii saqtalyp, terrorizmge qarsy operatsiia júrgizilgenin eske salǵym keledi. Osy ýaqytta qarýly qylmyskerler quqyq qorǵaý organdarynyń qyzmetkerleriniń ómirine qaýip tóndirýdi jáne shabýyl jasaýdy jalǵastyrdy», - dedi Qilymjanov.
Ol osy kezeńde terrorizmge qarsy operatsiia júrgizilgenin, azamattardyń qozǵalysynyń erekshe tártibi bekitilip, avtokólikterge tekserý jasalǵanyn eske saldy.
«Naqty osy kezeńde, iaǵni 6-8 qańtar aralyǵynda azamattardyń qaza bolý faktileri tirkeldi. Onyń barlyǵy boiynsha tergeý júrip jatyr. Muqashevtiń ólimine ákep soqqan uryp-soǵý faktisi boiynsha tergeýmen arnaiy prokýrorlar ainalysýda. Osy is boiynsha sottyń sanktsiiasymen quqyq qorǵaý organdarynyń 2 qyzmetkeri qamaýǵa alyndy», - dedi Bas prokýratýra ókili.
