Eńbekshiqazaq aýdanynyń politsiiasyna 2003 jyly týǵan Gúljan Myrzatqyzynyń iz-túzsiz joǵalǵany týraly aryz 21 jeltoqsanda qyzdyń ata-anasynan kelip túsken, dep habarlaidy "Ult aqparat".
«Kámeletke tolmaǵan jasóspirim qyz Áimen aýylynda turady jáne Esik ekonomikalyq-pedagogikalyq kolledjinde oqidy. Ony izdestirý jumystaryna Eńbekshiqazaq aýdandyq politsiia qyzmetkerleri men oblystyń jedel ýákilderi tartyldy» - dep habarlady Almaty oblysy politsiia departamentiniń baspasóz qyzmeti.
Joǵalǵan qyzdyń boiy - shamamen 165 sm, dene bitimi aryqsha kelgen, ústinde sary tústi toqylǵan shapka men qara kúrte bolǵan. Basqa arnaiy belgileri joq.
Gúljan Myrzatqyzynyń qaida ekendigi týraly kez kelgen aqparat biletin bolsańyzdar, politsiiaǵa habarlasýdy suraimyz: 8 778 3331011, 87027152120, 8 7282 608008 nemese 102.
