Almaty oblysynyń politseileri joǵalǵan qyzdy izdep tapty, dep habarlaidy "Ult aqparat".
Almaty oblystyq politsiia departamenti baspasóz qyzmetiniń málimetinshe, 9 tamyzda Ile aýdandyq politsiiasynyń kezekshi bólimine Mejdýrechinsk kentiniń 56 jastaǵy turǵyny 9-synypta oqityn 14 jasar nemeresiniń belgisiz baǵytta ketip, qaita oralmaǵanyn aityp aryzdanǵan. Osy ótinish resmi tirkelgennen keiin politseiler jedel túrde jasóspirimdi izdeýge kiristi.
Iz kesýshiler qyzdyń ákesimen jáne ájesimen birge turatynyn, al qyzdyń anasy basqa qalada bólek turatynyn anyqtady. Jasóspirim úiden keter aldynda ákesi men qyzdyń arasynda kelispeýshilik bolǵan.
Qyzdy izdeý jumystaryna kriminaldyq jáne iývenaldyq politsiia qyzmetkerleri, ýchaskelik politsiia inspektorlary men eriktiler jumyldyryldy. Qabyldanǵan sharalardyń nátijesinde izdeýdegi jasóspirim aman-esen 30 tamyz kúni Qarasai aýdanyndaǵy «Altyn Orda» bazarynyń aýmaǵynan tabyldy. Qyz kafelerdiń birinde daiashy bolyp jumys istegen jáne sonda turyp kelgen.
Aman tabylǵan qyzdy tártip saqshylary úiine qaitaryp, ájesine tabystady. Qariia politseilerdiń tabandy izdenisi jáne kásibi sheberligi úshin alǵysyn aitty. Otbasynan qashyp ketken kámeletke tolmaǵan bala arnaiy esepke alyndy.
Qyzdyń ákesine QR Ákimshilik quqyq buzý kodeksiniń 127-baby 3-bóligi men 442-baby 2-bóligine sáikes ákimshilik hattama toltyryldy.
