Almaty oblysynda eki zorlaý deregine qatysy bar kúdikti ustaldy, - dep habarlaidy "Ult aqparat" Ishki ister ministrliginiń Telegram paraqshasyna silteme jasap.
Qonaev politsiiasyna eki jergilikti turǵynnan aryz túsken. Áielder beitanys er adam shabýyldaǵanyn habarlaǵan.
Birinshi jaǵdaida kúdikti 40 jastaǵy áieldi úi tazalaýǵa kómekke shaqyrǵan. Keiin oǵan shabýyl jasap, onyń erkinen tys jynystyq qatynasqa májbúrlegen. Ekinshi oqiǵada 41 jastaǵy áiel er adamnyń qurbanyna ainala jazdaǵan.
Eki jábirlenýshi de shabýyl kezinde kúdiktiniń esirtki áserinen mas kúide bolǵanyn aitqan.
Politsiia qyzmetkerleri kúdiktini ustaǵan. Bul derek QR Qylmystyq kodeksiniń 120-baby (Zorlaý) boiynsha tirkelgen. Kúdikti qamaýǵa alynǵan.
