Almaty oblysynda koronavirýs boiynsha epidemiologiialyq jaǵdai nasharlap otyr, dep habarlaidy "Ult aqparat".
Bul týraly brifingte Almaty oblysynyń sanitariialyq-epidemiologiialyq baqylaý departamenti basshysynyń orynbasary Ashat Charapiev málim etti.
Oblys boiynsha KVI ósý qarqyny sońǵy 2 aptada 0,7%-dan 0,9% deiin artty.
Epidemiologiialyq matritsanyń baǵalaýy boiynsha Alakól, Talǵar, Balqash, Eńbekshiqazaq, Panfilov, Sarqan jáne Tekeli, Taldyqorǵan qalalary - «qyzyl» aimaqta, Ile, Qaratal, Jambyl, Qarasai, Kerbulaq, Kóksý, uiǵyr jáne Aqsý aýdandary - «sary» aimaqta, al qalǵan qalalar men aýdandar «jasyl» aimaqta ornalasqan.
«Demalys kúnderi lokdaýn jariialanady. Balalar men eresekterge arnalǵan bilim ortalyqtarynyń, ashyq jáne jabyq bazarlardyń (azyq-túlik jáne azyq-túlik satpaityn) qoǵamdyq tamaqtaný nysandarynyń, jazǵy alańdardyń, saýda úileri men qoǵamdyq kóliktiń (eldi mekender ishinde) bankterdiń, HQO-lardyń, «Qazposhta» AQ bólimsheleriniń, dini nysandardyń, SPA-ortalyqtardyń, basseinderdiń, sport keshenderiniń, sporttyq-saýyqtyrý ortalyqtarynyń, fitnes-ortalyqtardyń, kazinolardyń, oiyn-saýyq, buqaralyq, otbasylyq, estelik is-sharalardyń qyzmetine tyiym salynady», - dedi Ashat Charapiev.
