Almaty oblysynda aýa raiynyń buzylýyna bailanysty birqatar joldar jabyldy, dep habarlaidy QazAqparat.
Búgin «QazAvtoJol» UK AQ men «Qazaqavtojol» JShS Almaty oblystyq filialdary málimet taratty.
Oǵan sáikes 12 aqpan kúni saǵat 18:30-dan bastap aýa raiynyń nasharlaýyna bailanysty respýblikalyq mańyzy bar «Úsharal-Dostyq» (84-184 km) jáne oblystyq mańyzy bar «Almaty-Óskemen» avtojolynyń «Qapal-Arasan» (0 men 45 shaqyrymy) jáne Qapal aýylyna kireberistegi 16 shaqyrym jol jabylǵan.
Bul joldarda kóliktiń barlyq túriniń qozǵalysyna tyiym salyndy.
Qazir oblysta qatty boran soǵyp tur, joldar anyq kórinbeidi.
Almaty oblysynyń tótenshe jaǵdailar departamenti azamattardan osy baǵyttaǵy sapardan bas tartýǵa jáne 112 qyzmeti beretin SMS habarlamalardy nazardan tys qaldyrmaýdy suraidy.
Alys jolǵa shyqqan kezde aýa raiy boljamymen tanysyp, tótenshe jaǵdailarda sizge kómektesetin barlyq qajetti zattardy ózińizben birge alyp júrińiz.
