Almaty oblysynda koronavirýs diagnozymen tirkelgen alǵashqy emdelýshi aýrýhanadan shyqty. 20 naýryz kúni koronavirýs diagnozymen túsken azamat Qaskeleń qalalyq infektsiialyq aýrýhanasynda tolyq em alyp, keshe úiine shyǵaryldy, dep habarlaidy "Ult aqparat".
Qarasai aýdany, Qyrǵaýyldy aýylynyń turǵyny 1985 jyly týǵan azamat 17 naýryz kúni Mekkeden Túrkiia men Qyrǵyzstan elderi arqyly Almatyǵa kelgen. Emdelýshige 08.04.2020 j. jasalynǵan qaita taldaý nátijesi teris ekenin kórsetti.
Patsientpen qarym-qatynas jasaǵan 2 azamat pen olardyń otbasy shuǵyl oqshaýlanyp, dárigerler baqylaýyna alynǵan. Taldaý qorytyndysy teris bolyp shyqty.
10 sáýir 2020 jaǵdai boiynsha Qaskeleń qalalyq infektsiialyq aýrýhanasynda koronavirýs diagnozy anyqtalǵan 7 adam em qabyldap jatyr. Densaýlyqtary qanaǵattanarlyq. Dene qyzýy birqalypty. Shaǵymdary joq.
