Almaty oblysynda oqýshylar karantin jaǵdaiynda erekshe onlain fleshmob uiymdastyrǵan. Olar tártip saqshylarynyń formasynda ózderiniń jol silteýshilerine alǵystaryn bildirdi, dep habarlaidy "Ult aqparat".
Chelendjdiń basty maqsaty – qiyn shaqta qyzmetin atqaryp júrgen politseilerge qoldaý kórsetý, sondai-aq azamattardyń rýhy men patriottyq sezimin arttyrý.
Beinejazbadaǵy balalar qarapaiy synyp oqýshylary emes, quqyq qorǵaý baǵytyndaǵy kadet synybynyń tárbielenýshileri.
«Balalar álemdik indetke ainalǵan infektsiiasen kúreste aldyńǵy shepte qyzmet etip, el igiligi úshin tynyshtyq pen qaýipsizdikti qamtamasyz etip júrgen politseilerge sheksiz rizashylyqtaryn jetkizgen.
Óz kezeginde, Almaty oblysy Politsiia departamentiniń jeke quramy óskeleń urpaqtyń ystyq yqylasyn qabyldap, alǵystaryn aitty. Tártip saqshylary atalǵan rolik jylylyq syilaitynyn jáne odan ári de el úshin eńbek etýge kúsh-jiger beretinin jetkizdi», delingen habarlamada.
Estafetany Taldyqorǵan qalasynyń 6-kadet synyby bastap, ózderiniń qurbylastaryna joldady.
