Almaty oblysynda 34 jastaǵy áieldi bir jasar qyzynyń kózinshe óltirgen er adamdarǵa qatysty sot úkim shyqty, dep habarlaidy "Ult aqparat".
Qarasai aýdany qylmystyq ister jónindegi mamandandyrylǵan soty eki kúdiktige qatysty úkim shyǵardy.
Sot jaryssózinde prokýror sottan aiyptalýshylardy kináli dep tanýdy jáne árqaisysyn 20 jyldan bas bostandyǵynan aiyrýdy surady.
Jábirlenýshi tarap prokýrordyń pikirimen tolyq kelisti.
Sot áielin óltirýge tapsyrys bergen er adamdy qylmystyq kodekstiń 99-baby boiynsha 18 jylǵa bas bostandyǵynan aiyrýǵa úkim shyǵardy. Al qylmysty jasaǵan 35 jastaǵy ekinshi aiyptalýshy 15 jylǵa sottaldy.
Sondai-aq olar marqumnyń otbasyna 20 million teńge kóleminde moraldy shyǵyn óteýge mindetteldi.
