Foto Polisia.kz
Almaty oblysynda qart áieldi tunshyqtyryp, ony tonap ketken er adamdar ustaldy, dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmeti málimetinshe, Eńbekshiqazaq aýdanynyń politsiiasyna 81 jastaǵy jergilikti turǵyn aryzdanǵan. Ol óz aryzynda meditsinalyq betperde kigen eki beitanys jigit úiiniń aýlasyna kirip, ony tunshyqtyryp, uialy telefon men qolma-qol aqshasyn urlap ketkenin baiandaǵan.
"28 qańtarda jedel-izdestirý is-sharasy barysynda 1978 jáne 1989 jylǵy eki Almaty turǵyny ustaldy. Olar óz qylmystaryn tolyǵymen moiyndady.
Politsiia qyzmetkerleri istiń mán-jailaryn tolyq, jan-jaqty jáne obektivti tergeýdi qamtamasyz etý úshin saraptamalyq zertteý taǵaiyndaýmen barlyq qajetti tergeý áreketterin júrgizip jatyr. Ustalǵandardyń osyǵan uqsas basqa da qylmystarǵa qatystylyǵy tekserilýde" - delingen habarlamada.
