Almaty oblysynyń Shalqar aýylynda bir ai buryn kóshede myltyqpen oq atyp, oqiǵa ornynan boi tasalap júrgen kúdikti ustaldy, dep habarlaidy "Ult aqparat".
Ol sol kúni 62 jastaǵy aýyl turǵynyn aiaǵynan jaralaǵan bolatyn.
Almaty oblystyq politsiia departamenti baspasóz qyzmetiniń málimetinshe, 25 sáýir kúni túnde ol qyzyn izdeýge shyǵyp, aýylda oq atqan.
Oqiǵa ornynda zeinetker aiaǵynan aýyr jaraqat alyp, keiin bir aiaǵyn kestirgeni belgili boldy.
«Oq atqan Qaskeleń qalasynyń 29 jastaǵy azamaty bolyp shyqty. QR QK 99-baby, iaǵni adam óltirýge oqtalý deregi boiynsha is qozǵalyp, kúdiktige izdeý jariialandy. 31 mamyr kúni ár jerde jasyrynyp, qashyp júrgen kúdikti Turar aýylynda qolǵa túsip, qamaýǵa alyndy. Sol kúni ol óziniń bul áreketine alkogoldi ishimdik ishkennen keiin barǵanyn moiyndaǵan. Basqa aqparat QR QPK 201 babyna sáikes jariialanbaidy» delingen vedomstvonyń habarlamasynda.
