Foto polisia.kz saitynan
Almaty oblysynda bloger jala japqany úshin 20 kúnge sottaldy, - dep habarlaidy Tengrinews.kz agenttigi Polisia.kz saityna silteme jasap.
Derekke súiensek, 39 jastaǵy aýyldyq bloger áleýmettik jelide Shelek aýylyndaǵy emhana men aýrýhana basshylarynyń biri týraly jalǵan aqparat taratqan. Habarlamada meditsina qyzmetkeri jergilikti turǵyndardyń birin aqshalai syiaqy úshin jumysqa alǵany aitylǵan.
Áleýmettik jelide jariialanǵan aqparat rezonans týdyrǵan. Keiin emhana jetekshisiniń ózi ar-namysyn qorǵaý týraly aryzben quqyq qorǵaý jáne sot organdaryna júgingen.
"QR ÁQBtK-niń 73-3-baby 2-bóliginde kózdelgen "Jariia túrde nemese buqaralyq aqparat quraldaryn nemese telekommýnikatsiia jelilerin paidalana otyryp jasalǵan, jala jabý, iaǵni basqa adamnyń ar-namysy men qadir-qasietine nuqsan keltiretin nemese onyń bedeline nuqsan keltiretin kórineý jalǵan málimetter taratý" deregi boiynsha jinalǵan materialdy 4 mamyrda sot qarady", - delingen habarlamada.
Sot qaýlysy boiynsha kúdikti kináli dep tanylyp, 20 táýlikke ákimshilik qamaqqa alynǵan.
Bloger bul jazbany burynǵy áieliniń ótinishimen jariialaǵanyn alǵa tartyp, kinásin moiyndamaǵan. Sot qaýlysyn oryndaý Shelek PB qyzmetkerlerine júktelgen.
