Almaty oblysy Qarasai aýdanynda kisi ólimi deregi tirkeldi, - dep habarlaidy Tengrinews.kz agenttigi Polisia.kz portalyna silteme jasap.
5 maýsymda Bulaqty kentindegi jeke úilerdiń birinen 41 jastaǵy er adamnyń denesi tabylǵan. Onyń denesinen zorlyq-zombylyq belgileri baiqalǵan. Sot sarapshylarynyń aldyn ala qorytyndysy boiynsha, jábirlenýshi júrek tusynan pyshaqtalǵan.
Jábirlenýshi Aqtóbe oblysynyń týmasy bolyp shyqqan. Ol aǵasyna qonaq bolyp kelgen. Aǵasy jaldamaly páterde azamattyq nekedegi jubaiymen birge turǵan.
Vedomstvo málimetinshe, bólmelerdiń kúiine qaraǵanda, úide ishimdik ishilgen. Sonymen qatar, oqiǵaǵa qatysy bar ekinshi adam belgisiz baǵytqa qashyp ketken.
"Izdestirý toptary jergilikti jerdi qarady. Jaqyn mańdaǵy barlyq eldi meken tekserildi. Nátijesinde, kúdikti kórshi aýyldyń kósheleriniń birinen tabyldy. Er adam jábirlenýshiniń 52 jastaǵy aǵasy bolyp shyqty. Ekeýiniń arasynda janjal týyndaǵan, arty qaiǵyly oqiǵaǵa ulasqan", - dedi politseiler.
Kúdikti qamaýǵa alyndy. Oqiǵa ornynan birneshe as úi pyshaǵy tabylǵan, olardyń biri qylmys quraly bolǵan. Qajet saraptamalar taǵaiyndalǵan. Tergeý QR Qylmystyq kodeksiniń 99-baby "Adam óltirý" boiynsha júrgizilip jatyr.
