Almaty oblysynyń tártip saqshylary mektepterde jol qozǵalysy erejelerin saqtaý boiynsha jappai sabaqtar uiymdastyrdy, dep habarlaidy «Ult aqparat» Almaty oblystyq politsiia departamentiniń baspasóz qyzmetine silteme jasap.
Raiymbek aýdandyq politsiia bólimi JPQB-niń qyzmetkerleri «Abailańyz balalar!» profilaktikalyq is-sharasyn ótkizý barysynda bilim kúnine orai aýdanda ornalasqan mektepterdi aralap, oqýshylardyń qaýipsizdiginiń saqtalýyn qamtamasyz etti. Sonymen qatar, jas jetkinshektermen jol qozǵalysy erejelerin saqtaý jáne jol-kólik oqiǵalarynyń aldyn alý boiynsha mektepterde jappai sabaqtar men profilaktikalyq áńgimeler ótkizdi.
Qyzyqty jáne kórneki bolý úshin politsiia qyzmetkerleri jol qiylystarynda jáne olar joq jerlerde joldy qalai ótý kerektigin naqty mysaldarmen kórsetti. Sonymen qatar, júris bóligindegi oryn alatyn túrli jaǵdaida ózińizdi jáne ózgelerdi qalai qorǵaýǵa bolatyny da áńgime etildi. Balalarmen qarym-qatynas barysynda kishkentai jaiaý júrginshilerge túrli-tústi qyzyqty sýretteri, infografikalary bar arnaiy ázirlengen broshiýralar taratyldy.
Ata-analar men muǵalimder, óz kezeginde, politseilerge ótkizilgen sabaqtar, áńgimelesýler men jol júrý erejesin jas búldirshinderge kórneki túrde úiretýde kórsetken kómekteri úshin alǵystaryn aityp, olardyń tártip saqshylaryna degen senimderiniń únemi eselep artyp kele jatqanyn atap ótti.
Aita ketsek, jańa oqý jylynyń bastalýy qarsańynda Aqsý aýdanynyń politsiia basqarmasy qyzmetkerleri de jas jetkinshekterge jol júrý erejeleri boiynsha túsindirý jumystaryn júrgizgen bolatyn. Atalǵan is-shara balalardyń jol-kólik oqiǵasynan jaraqattanýynyń aldyn alý, balalardyń qatysýymen apattardy azaitý maqsatynda ótkizilýde.
«Balalardyń jol-kólik oqiǵasy saldarynan jaraqattanýynyń aldyn alý-bul búkil qoǵam úshin ózekti másele. Balalardy jolda júrý erejesin saqtaýǵa baýlýdy jáne jolda ózin ustaý qaǵidattarymen tanystyrýdy erte jastan bastaý qajet. Qazirgi ýaqytta bizdiń, ata-analar men muǵalimderdiń jáne qoǵamnyń basty maqsaty - jas jetkinshekterden saýatty jáne tártipti jaiaý jol júrginshilerin tárbieleý», – deidi Aqsý APB bastyǵynyń tergeý jónindegi orynbasary, politsiia maiory Nurbolat Shamý.
Is-shara barysynda oqýshylarǵa jol júrý kezinde ózderin qalai ustaý kerek ekenderi ǵana aitylyp qana qoimai, jadnamalar taratylyp, kórnekilikter kórsetildi.
Sondai-aq bilim kúni qarsańynda Uiǵyr APB bastyǵynyń orynbasary, politsiia maiory Turarjan Mahamet jáne aǵa tergeýshi, politsiia kapitany Farhat Iliasov aýdan mektepterine baryp, mektepke jańadan qadam basqan búldirshinderi men ata-analaryna jol júrý erejeleri boiynsha túsindirme jumystaryn júrgizgen edi.
«Bilim kúni» merekesimen quttyqtai otyryp, politsiia qyzmetkerleriniń basty mindetteriniń biri azamattardyń qaýipsizdigin, olardyń quqyqtaryn qorǵaý bolyp tabylatyndyǵyn atap ótkim keledi. Sol maqsatta oblys kóleminde Bilim kúni qarsańynda «Abailańyz balalar» profilaktikalyq is - sharasy júrgizilýde. Balalar qaýipsizdigi – basty nazarda. Olardyń qaýipsizdigin qorǵaý maqsatynda barlyq is-sharalar qoldanamyz», – deidi Uiǵyr APB bastyǵynyń tergeý jónindegi orynbasary, politsiia maiory Turarjan Mahamet.
Atalǵan is-shara barysynda búldirshinderge jol júrý erejeleri týraly oqýlyqtar taratyldy. Ata-analar óz kezeginde, júrgizilip jatqan is-shara úshin alǵystaryn bildirip, politsiia qyzmetkerlerine úlken senim artatynyn atap kórsetti.
