Qazir elimizdegi tótenshe jaǵdaiǵa bailanysty Almaty oblysynda aldaǵy merekeler jańa formatta ótetin bolady. Bul týraly Jetisy Media aqparattyq alańynda málim boldy, dep habarlaidy "Ult aqparat".
Búgingi kúni Taldyqorǵan qalasynda 10 UOS ardageri, 1 452 tyl ardageri, 65 UOS ardageriniń jesiri, fashizmniń tutqyny bolǵan 1 adam bar.
«Aitýly merekeniń basty qaharmandary UOS ardagerleri nazardan tys qalmaq emes. Barlyǵyna birdei áleýmettik, materialdyq kómek kórsetiledi», - deidi Taldyqorǵan qalasy ákiminiń orynbasary Sáýle Amanbaiqyzy.
Jeńistiń 75 jyldyǵyna orai, oblystyq biýdjetten Ekinshi Dúniejúzilik soǵystyń qatysýshylaryna, múgedekterine, barlyǵy 10 163 adamǵa 1 jolǵy materialdyq kómek kórsetiledi. Osy maqsatta qazynadan 386 mln teńge qarastyrylǵan. Qazir oblys boiynsha 64 UOS ardageri bar, olardyń árqaisysyna 1 mln teńgeden berildi.
Almaty oblysynda 9 soǵys tutqyny turady. Olardyń árqaisysyna 100 myń teńgeden beriledi dep josparlanǵan. Qorshaý kezinde Leningrad qalasynda kásiporyndarda jumys istegen jáne qalany qorǵaǵany úshin medalmen marapattalǵandarǵa 60 myń teńgeden tólenedi. Chernobyl apatyna qatysqan adamdarǵa 50 myń teńgeden beriledi. Jetisý óńirinde Ekinshi dúniejúzilik soǵysynda qaza tapqandardyń jesirlerine jalpy sany - 9 521 adamǵa 30 myń teńgeden tabystalady. Atalǵan qarjylai kómekti kórsetý úshin biýdjetten 285 mln teńge bólingen.
Joǵary da aityp ótken qarjy 30 sáýirge deiin maidangerlerge jáne olarǵa teńestirilgen barlyq sanattaǵy tulǵalarǵa tólenetin bolady.
Almaty oblysy jastar saiasaty máseleleri jónindegi basqarmasy maidan ánderinen tikelei efirde onlain kontsert uiymdastyrýdy josparlaǵan. Oǵan 28 ónerpaz qatysady.
Sondai-aq, Almaty oblysynyń mádeniet, arhivter jáne qujattama basqarmasynyń basshysy Márlen Qapashulynyń aitýynsha, 1 mamyr men 9 mamyr aralyǵynda oblysta 1 728 onlain kontsert pen tikelei efir ótkiziledi. 25 mýzei bul aralyqta 417 onlain ekskýrsiia uiymdastyrady. Al kitaphanalar 1 243 onlain kitap kórmesi men tarihi sabaqtar ótkizedi. Sonymen qatar, oblystyq ardagerler uiymynyń suraýymen «Otan úshin ot keshkender» atty kitap jaryq kóredi. Al, maidan shebinde oryndalǵan ánderdi bir taspaǵa jinaqtap maidangerlereg taratyp berý kózdelgen.
