Almaty oblysynda 3 jastaǵy qyz bala júrip bara jatqan kólikten qulap tústi. Abyroi bolǵanda, bala din aman, - dep habarlaidy "Ult aqparat".
Bul sát kele jatqan ózge kóliktiń beinejazbasyna túsip qalǵan. Videoda jeńil kóliktiń burylyp jatqan sátinde esigi ashylyp, balanyń joldyń ústine qulaǵanyn kórýge bolady. Kishkentai qyz bala qulaǵan jerinen ózi turady. Osy sátte anasy kólikten shyǵyp, júgirip kelip, qushaǵyna alady.
Almaty oblystyq Politsiia departamentiniń baspasóz qyzmeti osy oqiǵa boiynsha pikir bildirdi.
«Áleýmettik jelige monitoring júrgizý barysynda «Hundai Elantra« kóliginen kishkentai balanyń kólikten qulaǵan faktisi anyqtaldy. Tekserý barysynda oqiǵanyń búgin Ile aýdanynyń Ótegen batyr aýylynda bolǵany belgili boldy. Jedel izdestirý kezinde kóliktiń iesi 32 jastaǵy áiel ekeni anyqtaldy. Ol — úsh jastaǵy balanyń anasy. Kishkentai qyz oqiǵa bolǵan sátte kóliktiń artynda arnaiy qorǵanatyn beldiksiz otyrǵan. Abyroi bolǵanda, bala aman. Kóliktiń iesine ákimshilik is qozǵaldy»,- dedi Almaty oblystyq Politsiia departamenti baspasóz qyzmetinen.
