Almaty oblysynyń ákimi Amandyq Batalov óńirde 2020 jyl Gazdandyrý jyly dep jariialanǵanyn aitty. Qazirgi ýaqytta aimaqtaǵy 144 eldi meken gazdandyrylyp, gazdandyrý deńgeii 30,4 protsentti qurap otyr. Bul týraly Amandyq Batalovtyń esepti kezdesýinde belgili boldy, - dep habarlaidy ákimdiktiń baspasóz qyzmeti.
Halyq aldynda esep bergen oblys ákimi Amandyq Batalovtyń aitýynsha, Taldyqorǵan qalasy ishindegi jelilerdiń qurylysy aiaqtalyp qaldy, qazir tabiǵi gaz jelisine 9 myńnan astam abonent qosylǵan. Tekeli qalasyna deiingi gaz qubyry, Úshtóbe, Saryózek, Baqanas avtomattandyrylǵan gaz taratý stansalary salyndy.
Biylǵy jyly Tekeli qalasynda jáne Eskeldi, Balqash, Qaratal, Kerbulaq jáne Kóksý aýdandarynyń 91 eldi mekeninde kentishilik jelilerdiń qurylysy bastalady. "Taldyqorǵan - Úsharal" jáne Raiymbek aýdandaryn qamti otyryp "Shelek-Kegen" magistraldy gaz qubyrlarynyń qurylysyn jobalaý júrgizilýde. Barlyǵy 305,4 myń adam turatyn 97 eldi meken qamtylady. Nátijesinde, 1,2 mln. adam nemese turǵyndardyń 54 protsenti kógildir otynǵa qol jetkizedi.
- Bul rette gazdandyrý úshin investorlardy tartamyz. Ótken jyly jalpy investitsiia kólemi 39,4 mlrd. teńgeni qurady, onyń ishinde 32,8 mlrd. teńgesi – jekemenshik qarajat, iaǵni 1 teńge biýdjet qarajatyna 4 teńge jeke qarjydan keledi. Men óńirlerge barǵan kezde adamdar gazǵa qosylý qunynyń qymbattyǵyna shaǵymdandy. Aýdan ákimderi investorlar tartý jumysyn baiaý júrgizýde. Investorlardy kóbirek tarta otyryp, básekelestik esebinen gazǵa qosylý qunyn tómendetý kerek. Múmkindiginshe investorlar da shyǵyndarynyń ornyn toltyrý merzimin 5-7 jylǵa sozsyn. Jergilikti jerlerde jasalǵan jumystyń nátijesin halyq kórýge tiis, - dedi óz sózinde A. Batalov.
