الماتى وبلىسىنىڭ ەكٸمٸ اماندىق باتالوۆ ٶڭٸردە 2020 جىل گازداندىرۋ جىلى دەپ جارييالانعانىن ايتتى. قازٸرگٸ ۋاقىتتا ايماقتاعى 144 ەلدٸ مەكەن گازداندىرىلىپ, گازداندىرۋ دەڭگەيٸ 30,4 پروتسەنتتٸ قۇراپ وتىر. بۇل تۋرالى اماندىق باتالوۆتىڭ ەسەپتٸ كەزدەسۋٸندە بەلگٸلٸ بولدى, - دەپ حابارلايدى ەكٸمدٸكتٸڭ باسپاسٶز قىزمەتٸ.
حالىق الدىندا ەسەپ بەرگەن وبلىس ەكٸمٸ اماندىق باتالوۆتىڭ ايتۋىنشا, تالدىقورعان قالاسى ٸشٸندەگٸ جەلٸلەردٸڭ قۇرىلىسى اياقتالىپ قالدى, قازٸر تابيعي گاز جەلٸسٸنە 9 مىڭنان استام ابونەنت قوسىلعان. تەكەلٸ قالاسىنا دەيٸنگٸ گاز قۇبىرى, ٷشتٶبە, سارىٶزەك, باقاناس اۆتوماتتاندىرىلعان گاز تاراتۋ ستانسالارى سالىندى.
بيىلعى جىلى تەكەلٸ قالاسىندا جەنە ەسكەلدٸ, بالقاش, قاراتال, كەربۇلاق جەنە كٶكسۋ اۋداندارىنىڭ 91 ەلدٸ مەكەنٸندە كەنتٸشٸلٸك جەلٸلەردٸڭ قۇرىلىسى باستالادى. "تالدىقورعان - ٷشارال" جەنە رايىمبەك اۋداندارىن قامتي وتىرىپ "شەلەك-كەگەن" ماگيسترالدى گاز قۇبىرلارىنىڭ قۇرىلىسىن جوبالاۋ جٷرگٸزٸلۋدە. بارلىعى 305,4 مىڭ ادام تۇراتىن 97 ەلدٸ مەكەن قامتىلادى. نەتيجەسٸندە, 1,2 ملن. ادام نەمەسە تۇرعىنداردىڭ 54 پروتسەنتٸ كٶگٸلدٸر وتىنعا قول جەتكٸزەدٸ.
- بۇل رەتتە گازداندىرۋ ٷشٸن ينۆەستورلاردى تارتامىز. ٶتكەن جىلى جالپى ينۆەستيتسييا كٶلەمٸ 39,4 ملرد. تەڭگەنٸ قۇرادى, ونىڭ ٸشٸندە 32,8 ملرد. تەڭگەسٸ – جەكەمەنشٸك قاراجات, ياعني 1 تەڭگە بيۋدجەت قاراجاتىنا 4 تەڭگە جەكە قارجىدان كەلەدٸ. مەن ٶڭٸرلەرگە بارعان كەزدە ادامدار گازعا قوسىلۋ قۇنىنىڭ قىمباتتىعىنا شاعىمداندى. اۋدان ەكٸمدەرٸ ينۆەستورلار تارتۋ جۇمىسىن باياۋ جٷرگٸزۋدە. ينۆەستورلاردى كٶبٸرەك تارتا وتىرىپ, بەسەكەلەستٸك ەسەبٸنەن گازعا قوسىلۋ قۇنىن تٶمەندەتۋ كەرەك. مٷمكٸندٸگٸنشە ينۆەستورلار دا شىعىندارىنىڭ ورنىن تولتىرۋ مەرزٸمٸن 5-7 جىلعا سوزسىن. جەرگٸلٸكتٸ جەرلەردە جاسالعان جۇمىستىڭ نەتيجەسٸن حالىق كٶرۋگە تيٸس, - دەدٸ ٶز سٶزٸندە ا. باتالوۆ.
