Almaty oblysynda 17 jastaǵy bala ishimdik iship, kólik apatyna tústi, - dep habarlaidy "Ult aqparat".
Oqiǵa Qaratal aýdanynyń ortalyǵy Úshtóbe qalasynda boldy.
«25 mamyr kúni saǵat 22:10 shamasynda 17 jastaǵy «Aýdi» kóliginiń júrgizýshisi mototsiklge soǵylǵan. Ekinshi kólikti 20 jastaǵy Taldyqorǵan qalasynyń turǵyny tizgindegen. Jol kólik apaty saldarynan mototsikldiń 20 jastaǵy jolaýshysy zardap shekti. Ol Úshtóbe qalasyndaǵy aýrýhanaǵa jetkizildi. Anyqtalǵandai, «Aýdi» kóliginiń kámelettik jasqa tolmaǵan júrgizýshisi orta deńgeide ishimdik ishken. Qazir osy fakti boiynsha anyqtaý jumystary júrip jatyr», - dep málimdedi Almaty oblystyq Politsiia departamentiniń baspasóz qyzmetinen.
