Almaty oblysynda 17 jastaǵy Iasmina Shertaeva eki aiǵa jýyq ýaqyttan beri izdestirilip jatyr. Ol Dolan aýylyndaǵy úiinen túnde, otbasy uiyqtap jatqanda, eshkimge eskertpesten shyǵyp ketken. Qyz ózimen birge kiimderi men jinaǵan aqshasyn alyp ketken, dep habarlaidy ult.kz.
KTK arnasynyń málimetinshe, anasynyń aitýynsha, Iasmina joǵalar aldynda jańa telefon satyp alyp, bailanys nómirin aýystyrǵan. Keiin qyzdyń burynǵy synyptasyna belgisiz nómirden qońyraý shalǵany belgili bolǵan. Ol jaǵdaiynyń jaqsy ekenin aityp, áieldermen birge turyp jatqanyn jetkizgenimen, naqty mekenjaiyn aitpaǵan.
Iasmina 11-synypty bitirgen soń kórshisiniń úiinde tiginshi bolyp jumys istegen. Kórshisi Móldir Qumarhan ony tynysh ári eńbekqor qyz retinde sipattady.
Anasy úide janjal bolmaǵanyn aitady. Alaida qyzdy bir jigitpen tanystyrmaq bolǵanyn keiin bilgen. Osy jaǵdaidyń onyń úiden ketýine áser etýi múmkin ekenin joqqa shyǵarmaidy.
«Qyzym, eger biz seni renjitip alsaq, keshirshi. Múmkin, sharshap ketken shyǵarsyń. Úige qaitshy, ótinemin», – dedi Gúlnara Shertaeva.
Ata-anasy politsiiaǵa aryz bergen. Qazir qyzdy politsiia men eriktiler izdep jatyr. Onyń syrtqy belgileri kórsetilgen baǵdarlaý barlyq politsiia bólimshelerine jiberilgen.
Týystary Iasminany kórgen nemese onyń qaida ekenin biletin adamdardan politsiiaǵa habarlasýdy suraidy.
