Almaty oblysynda 17 mln teńge para aldy degen aýdit bóliminiń bas mamany 4 jylǵa sottaldy, - dep habarlaidy "Ult aqparat".
«2021 jyldyń 23 maýsymynda Almaty oblysy Qarasai aýdandyq sotynyń úkimimen memlekettik aýditor – «Almaty oblysy boiynsha tekserý komissiiasy» MM memlekettik aýdit bóliminiń bas mamany G. Qaldarbekova (QK 366-baby 3-bóligi 3-tarmaǵy) 4 jylǵa bas bostandyǵynan aiyryldy.
G. Qaldarbekova «Qarasai aýdanynyń bilim bólimi» MM laýazymdy tulǵalarynan memlekettik aýdittiń oń qorytyndylary úshin 17 mln. teńge somasynda para aldy degen kúdikke ilindi. Ol parany tótenshe jaǵdai kezeńinde memlekettik bilim berý tapsyrysy aiasynda jeke mektepke deiingi bilim berý uiymdarynyń biýdjet qarajatyn qarjylandyrýdyń jáne maqsatty paidalanýynyń negizdiligi máseleleri boiynsha jáne memlekettik bilim berý tapsyrysy aiasynda aýdarymdardyń zalaldaryn sýbsidiialaýǵa, sondai-aq 2017-2020 jyldar kezeńinde tsifrlyq tehnologiialardy engizýge, onyń ishinde «Balapan» baǵdarlamasy boiynsha bólingen jumystar úshin alǵan»,- delingen Sybailas jemqorlyqqa qarsy is-qimyl agenttigi Almaty oblysy boiynsha departamentiniń bapsasóz qyzmeti jariialaǵan resmi habarlamada.
