Almaty oblysynyń prokýratýrasy bilim berý salasynda balalardyń quqyqtarynyń buzylǵanyn anyqtady, dep habarlaidy ult.kz.
Qoldanystaǵy zańnamaǵa sáikes, memlekettik bilim berý uiymdarynda ataýly áleýmettik kómek alatyn otbasylardyń balalary tegin ystyq tamaqpen qamtamasyz etilýi tiis. Alaida júrgizilgen tekserý barysynda bul talaptardyń birqatar mektepte saqtalmaǵany belgili boldy.
Prokýratýra málimetinshe, oblystaǵy 70-ten astam mektepte 1 101 bala tegin ystyq tamaqpen qamtylmaǵan. Zańbuzýshylyqtar Eńbekshiqazaq aýdanyndaǵy 45 mektepte, Talǵar aýdanynda – 7, Jambyl aýdanynda – 5, Uiǵyr aýdanynda – 14, Qarasai aýdanynda – 4 mektepte jáne Qonaev qalasyndaǵy 9 bilim berý uiymynda anyqtalǵan.
Prokýrorlyq qadaǵalaý aktileriniń nátijesinde balalardyń quqyqtary qalpyna keltirilip, barlyq oqýshy tiisti ystyq tamaqpen qamtamasyz etildi. Sonymen qatar kináli laýazymdy tulǵalar jaýapkershilikke tartyldy.
Oblys prokýratýrasynyń dereginshe, jyl basynan beri óńirde 30 myńǵa jýyq balanyń quqyqtary men zańdy múddeleri qorǵalǵan.
