Almaty qalasynyń aýmaǵynan Almaty oblysyna shyqqan azamattar 14 kún úi karantininde bolady. Bul týraly arnaiy qaýly qabyldandy, dep habarlaidy "Ult aqparat".
Almaty oblysynyń bas sanitarlyq dárigeri Qairat Baimuhambetov Almaty qalasynyń shekarasy jabylýyna bailanysty megapoliste jumys isteitin Almaty oblysynyń turǵyndary men qaladan shyqqan azamattar úshin 14 kúndik mindetti úi karantini týraly qaýly qabyldady.
Almaty oblysy ákimi baspasóz qyzmetiniń habarlaýynsha, atalǵan qujat Almaty oblysynyń aýmaǵyna kirgen barlyq azamattardy úi karantinine ornalastyrýdy mindetteidi. Óńirli Densaýlyq saqtaý basqarmasy men ákimdik qyzmetkerleri telefon bailanysy arqyly habarlasý jolymen olarǵa baqylaý jasaidy. Sonymen qatar osy qaýlyda júk tasymaldaýdyń talaptary týraly aitylǵan. Taýarlar men basqa da zattar germetikalyq qaptamada tasymaldanady jáne óńdeý men fýmigatsiiadan ótkiziledi. Germetikalyq qaptamasy joq júkterdi tasymaldaýǵa tyiym salynǵan.
Qaýly qol qoiylǵan kúnnen bastap kúshine endi.
