Almaty oblysy ákiminiń ókimimen Dándibaev Arslan Momyshuly oblys ákiminiń orynbasary bolyp taǵaiyndaldy, - dep habarlaidy "Ult aqparat".
Arslan Momyshuly Dandybaev 1975 jyly týǵan. Abai atyndaǵy Almaty memlekettik ýniversitetin halyqaralyq qatynastar, referent mamandyǵy boiynsha bitirgen.
Eńbek jolyn Qazaqstan Respýblikasy Syrtqy ister ministrligi Konsýldyq qyzmet departamentiniń mamany, attashesi bolyp bastady.
Ár jyldarda Qazaqstan Respýblikasynyń Stambýl qalasyndaǵy Konsýldyǵynyń, QR-nyń Túrkiia Respýblikasyndaǵy Elshiliginiń attashesi, QR-nyń Amserdam qalasyndaǵy Bas konsýldyǵynyń vitse-konsýly, QR-nyń Niderland Koroldigindegi Diplomatiialyq missiiasynyń ekinshi hatshysy, birinshi hatshysy, QR-nyń Túrkiia Respýblikasyndaǵy Elshiliginiń birinshi hatshysy, QR Syrtqy ister ministrliginiń Memlekettik protokol qyzmeti Memlekettik jáne úkimettik saparlar bóliminiń bastyǵy, QR Prezidenti Protokolynyń bas sarapshysy, konsýltanty, QR Bas konsýldyǵynyń keńesshisi, QR Stambýl qalasyndaǵy Bas konsýly, QR Syrtqy ister ministrliginiń Almaty qalasyndaǵy ókildiginiń Basshysy, «Astana EKSPO-2017» UK» AQ Protokol qyzmetiniń Basshysy, QR Syrtqy ister ministrligi Memlekettik protokol qyzmetiniń Basshysy, QR Prezidenti Protokoly Basshysynyń orynbasary laýazymdaryn atqardy.
2019 jyldyń naýryzynan – QR Tuńǵysh Prezidenti – Elbasy Protokolynyń Basshysy boldy.
Aita keteiik, buǵan deiin Almaty oblysy ákiminiń ideologiiaǵa jaýapty orynbasary bolǵan Rýstam Ali Eskeldi aýdanynyń ákimi bolyp taǵaiyndaldy.
